1. Challan aur invoice me fark
Invoice = bikri ka bill, jisme rate, GST, total sab hota hai — ye paise ka document hai. Challan = "ye maal is jagah bheja gaya" ka saboot — isme quantity aur vehicle hota hai, rate zaroori nahi. Aksar chhoti dukanein invoice ko hi challan ki tarah use karti hain — jab tak usme delivery ki details hon, chalta hai.
2. GST me challan kab zaroori hai
Jab maal bina bikri ke ja raha ho: job work par, approval par (pasand aaye to kharido), ek godown se doosre godown, ya ek order ka maal kai kisht me ja raha ho. Bikri ke saath maal ja raha hai to tax invoice hi kaafi hai — alag challan zaroori nahi.
3. Challan me kya-kya likho
Number aur date; aapka naam-GSTIN; jiske paas ja raha hai uska naam-pata; site ka pata; item, quantity, unit; vehicle number; driver ka naam; aur "received by" ke liye jagah (signature). Vehicle number sabse zaroori hai — wahi saboot hai.
4. Digital record kyun
Kagaz kho jata hai, driver bhool jata hai, party mukar jati hai. Software me har delivery record rehti hai — date, vehicle, items — aur PDF WhatsApp par jaate hi party ke phone me bhi saboot ho jata hai. 6 mahine baad bhi nikal kar dikha sakte ho.
5. MaterialBill me kaise
Invoice banate waqt "With Bahara" chuno — vehicle type, number aur transport charge daal do. Wahi invoice delivery challan ka kaam karta hai: A4 ya thermal print, WhatsApp share. Party mukari to record dikha do.